Category: تازہ ترین

ایران کو 3 ارب ڈالرز دینے پر عبوری اتفاق ہوگیا ہے۔ 

عرب ٹی وی نے ذرائع کے حوالے سے دعویٰ کیا ہے کہ ایران نے مذاکرات میں ہر پیشرفت کیساتھ 3 ارب ڈالر جاری کرنے کی شرط رکھی ہے۔

عرب ٹی وی کی رپورٹ میں کہا گیا کہ آبنائے ہرمز پر سلطنت عمان کی طرف سے تجویز کردہ منصوبے کی بنیاد پر بات چیت جاری ہے۔

رپورٹ میں بتایا گیا کہ آبنائے ہرمز کے بارے میں سلطنت عمان کی تجویز پر مشاورت کیلئے مذاکراتی وفود اپنے اپنے ممالک جائیں گے۔

کوئٹہ: صوبائی دارالحکومت کوئٹہ میں گزشتہ چوبیس گھنٹوں کے دوران زیادہ سے زیادہ درجہ حرارت 41.5 ڈگری سینٹی گریڈ ریکارڈ کیا گیا جو گزشتہ 21 برسوں کے دوران شہر میں ریکارڈ ہونے والا بلند ترین درجہ حرارت قرار دیا جا رہا ہے۔ غیر معمولی گرمی کی اس لہر نے شہریوں کو شدید مشکلات سے دوچار کر دیا ہے جبکہ محکمہ موسمیات نے آئندہ چند روز تک موسم گرم اور خشک رہنے کی پیش گوئی بھی کی ہے محکمہ موسمیات کے مطابق کوئٹہ میں درجہ حرارت معمول سے کئی ڈگری زیادہ ریکارڈ کیا گیا، جس کے باعث دن کے اوقات میں سڑکوں، بازاروں اور تجارتی مراکز میں معمول کی چہل پل نمایاں طور پر کم رہی۔ دوپہر کے وقت تیز دھوپ اور گرم ہواں نے گرمی کی شدت میں مزید اضافہ کر دیا، جبکہ کھلے مقامات پر کام کرنے والے مزدور، ریڑھی بان، ٹریفک اہلکار اور دیگر محنت کش طبقہ سب سے زیادہ متاثر ہوا ماہرین کے مطابق کوئٹہ اپنے نسبتا معتدل موسم کی وجہ سے جانا جاتا ہے، تاہم حالیہ برسوں میں موسمیاتی تبدیلیوں کے باعث درجہ حرارت میں مسلسل اضافہ دیکھنے میں آ رہا ہے۔ 41.5 ڈگری سینٹی گریڈ کا ریکارڈ اس بات کی نشاندہی کرتا ہے کہ خطے میں موسمی تغیرات کے اثرات مزید شدت اختیار کر رہے ہیں، جس کے باعث شدید گرمی، خشک سالی اور پانی کی قلت جیسے مسائل میں اضافہ ہو سکتا ہے شدید گرمی کے باعث بجلی کی طلب میں بھی نمایاں اضافہ دیکھنے میں آیا، جبکہ شہری علاقوں میں پانی کی کھپت بڑھنے سے کئی مقامات پر پانی کی فراہمی متاثر ہونے کی اطلاعات بھی سامنے آئیں۔ شہریوں نے گرمی کی شدت کے باعث ٹھنڈے مشروبات، برف اور پنکھوں و ایئر کولرز کے استعمال میں اضافہ کر دیا، جس سے بازاروں میں بھی غیر معمولی رش دیکھنے میں آیا طبی ماہرین نے خبردار کیا ہے کہ موجودہ موسم میں ہیٹ اسٹروک، جسم میں پانی کی کمی (ڈی ہائیڈریشن)، کمزوری، چکر آنا اور دیگر موسمی بیماریوں کا خطرہ بڑھ جاتا ہے۔ شہریوں، خصوصا بچوں، بزرگوں، حاملہ خواتین اور دل و سانس کے مریضوں کو ہدایت کی گئی ہے کہ وہ دوپہر 11 بجے سے شام 4 بجے تک غیر ضروری طور پر گھروں سے باہر نکلنے سے گریز کریں، زیادہ سے زیادہ پانی اور مشروبات کا استعمال کریں، ہلکے رنگ کے سوتی کپڑے پہنیں اور دھوپ میں نکلتے وقت سر کو ڈھانپنے کا اہتمام کریں محکمہ موسمیات کا کہنا ہے کہ اگرچہ آنے والے دنوں میں موسم گرم اور خشک رہنے کا امکان ہے، تاہم صورتحال پر مسلسل نظر رکھی جا رہی ہے اور کسی بھی غیر معمولی موسمی تبدیلی کی صورت میں بروقت آگاہ کیا جائے گا شہریوں نے متعلقہ اداروں سے مطالبہ کیا ہے کہ گرمی کی شدت کے پیش نظر پینے کے صاف پانی کی فراہمی کو یقینی بنایا جائے، بجلی کی بلا تعطل فراہمی برقرار رکھی جائے اور عوامی مقامات پر ہنگامی طبی سہولیات فراہم کی جائیں تاکہ کسی بھی ناخوشگوار صورتحال سے بروقت نمٹا جا سکے۔

کوئٹہ : وزیر اعلیٰ بلوچستان میر سرفراز بگٹی نے کور کمانڈر بلوچستان لیفٹیننٹ جنرل راحت نسیم احمد خان کے ہمراہ گرلز کیڈٹ کالج کوئٹہ کا دورہ کیا، جہاں انہوں نے مختلف فیکلٹیز، تعلیمی شعبوں، تدریسی سہولیات اور تربیتی نظام کا تفصیلی معائنہ کیا۔ اس موقع پر وزیر اعلیٰ اور کور کمانڈر نے کالج کے جدید تعلیمی نظام، اعلیٰ معیار کی تدریس، مثالی نظم و ضبط اور انتظامیہ کی پیشہ ورانہ کاوشوں کو سراہتے ہوئے انہیں خراجِ تحسین پیش کیا دورے کے موقع پر گرلز کیڈٹ کالج کی طالبات سے خطاب کرتے ہوئے وزیر اعلیٰ بلوچستان میر سرفراز بگٹی نے کہا کہ گرلز کیڈٹ کالج کوئٹہ پاکستان کی ایک مثالی اور معیاری درسگاہ ہے جہاں زیر تعلیم طالبات ملک کا روشن مستقبل اور پاکستان کی بہترین سفیر ہیں۔ انہوں نے کہا کہ انہیں یقین ہے کہ اس ادارے سے تعلیم حاصل کرنے والی طالبات زندگی کے ہر شعبے میں اپنی صلاحیتوں کا لوہا منوائیں گی اور قومی تعمیر و ترقی میں مو¿ثر کردار ادا کریں گی وزیر اعلیٰ نے طالبات پر زور دیا کہ وہ جس بھی شعبے میں جائیں، بلا جھجھک پاکستانیت کا پیغام عام کریں اور ریاست پاکستان کی نمائندہ بن کر اپنی ذمہ داریاں ادا کریں۔ انہوں نے کہا کہ ریاست پاکستان ہم سب کے لیے ہر شے سے مقدم اور عزیز ہے اور اسی ریاست نے ہمیں شناخت، عزت اور وقار عطا کیا ہے میر سرفراز بگٹی نے کہا کہ تاریخ گواہ ہے کہ جس نے ریاست سے محبت اور وفاداری کی، اللہ تعالیٰ نے اسے عزت اور سربلندی عطا کی، جبکہ ریاست سے غداری کرنے والے ہمیشہ رسوا اور خوار ہوئے۔ انہوں نے طالبات کو تلقین کی کہ وہ ہر معاملے میں حقیقت اور پروپیگنڈے میں فرق کو سمجھیں، کیونکہ آج ریاست پاکستان کے خلاف منظم انداز میں جھوٹا اور گمراہ کن پروپیگنڈا کیا جا رہا ہے، جس کا مقصد نوجوان نسل کے ذہنوں کو متاثر کرنا ہے انہوں نے کہا کہ بعض جامعات میں قوم پرستی کی آڑ میں قائم بعض کونسلز معاونت اور رہنمائی کے نام پر معصوم طلبہ و طالبات کو گمراہ کرنے کی کوشش کرتی ہیں۔ ضرورت اس امر کی ہے کہ نوجوان ایسے عناصر سے دور رہیں اور اپنی تمام تر صلاحیتیں پاکستان کی ترقی، استحکام اور خوشحالی کے لیے وقف کریں۔ وزیر اعلیٰ بلوچستان نے کہا کہ صوبائی حکومت نوجوانوں کو عالمی معیار کی تعلیم فراہم کرنے کے لیے عملی اقدامات کر رہی ہے اور باصلاحیت طلبہ و طالبات کے لیے ہارورڈ، آکسفورڈ اور دیگر عالمی شہرت یافتہ جامعات تک رسائی کے مواقع پیدا کیے جا رہے ہیں تاکہ بلوچستان کے نوجوان بین الاقوامی سطح پر اپنی صلاحیتوں کا مظاہرہ کر سکیں انہوں نے کہا کہ ریاست مخالف عناصر بلوچ بچیوں کو خودکش حملوں جیسے سنگین جرائم کے لیے استعمال کرنے کی کوشش کر رہے ہیں، جو نہ صرف انسانیت بلکہ بلوچ روایات، اقدار اور قومی تشخص کے بھی سراسر منافی ہے۔ انہوں نے کہا کہ بلوچ معاشرہ ہمیشہ علم، شعور، امن اور عزتِ نسواں کا علمبردار رہا ہے اور ان روایات کو ہر قیمت پر محفوظ رکھا جائے گا وزیر اعلیٰ نے کہا کہ گرلز کیڈٹ کالج کوئٹہ جیسے معیاری تعلیمی ادارے بلوچستان اور پاکستان کے روشن مستقبل کی ضمانت ہیں۔ انہوں نے طالبات سے عہد لینے کی اپیل کرتے ہوئے کہا کہ وہ وعدہ کریں کہ زندگی کے جس بھی شعبے میں جائیں گی، ریاست پاکستان کی سفیر بن کر پاکستانیت، اتحاد، امن اور ترقی کا پیغام عام کریں گی اس موقع پر وزیر اعلیٰ بلوچستان میر سرفراز بگٹی نے گرلز کیڈٹ کالج کوئٹہ کے لیے 12 ملین روپے کی خصوصی گرانٹ کا اعلان بھی کیا۔ انہوں نے کہا کہ وہ اس ادارے کی ذاتی سرپرستی کریں گے اور حکومت بلوچستان کے تعاون سے گرلز کیڈٹ کالج کو دنیا کے مثالی تعلیمی اداروں کی صف میں شامل کرنے کے لیے ہر ممکن وسائل بروئے کار لائے جائیں گے تاکہ بلوچستان کی بیٹیاں بہترین تعلیمی ماحول میں اپنی صلاحیتوں کو مزید نکھار سکیں۔ دورے کے اختتام پر وزیر اعلیٰ بلوچستان اور کور کمانڈر بلوچستان نے گرلز کیڈٹ کالج کوئٹہ میں یادگاری پودا بھی لگایا۔

نصیر آباد (یو این اے )بلوچستان کے علاقے نصیر آباد می 13لاکھ سے زائد مالیت کے انسانی بال اسمگل کرنے کی کوشش ناکام بناتے ہوئے ایک ملزم کو گرفتار کر لیا گیا۔ تفصیلات کے مطابق کسٹمز حکام نے بلوچستان کے ضلع نصیر آباد میں ایک انوکھی اور بڑی کارروائی کرتے ہوئے غیر قانونی طور پر منتقل کیے جانے والے 45 کلو گرام انسانی بال ضبط کر کے ایک ملزم کو گرفتار کر لیا ہے اور اس کے خلاف باقاعدہ مقدمہ درج کر لیا گیا ہے۔ کسٹمز حکام کی جانب سے درج کیے گئے مقدمے میں بتایا گیا کہ برآمد کیے گئے ان انسانی بالوں کی مقامی مالیت کا اندازہ تقریبا 13 لاکھ 50 ہزار روپے لگایا گیا ہے، جبکہ بین الاقوامی مارکیٹ میں ان کی قیمت اس سے کہیں زیادہ بتائی جاتی ہے۔ کسٹم حکام کا کہنا ہے کہ گرفتار شخص یہ انسانی بال بلوچستان کے مختلف علاقوں سے سستے داموں خرید کر پنجاب منتقل کر رہا تھا، جہاں انہیں پروسیسنگ کے بعد مہنگے داموں وِگز بنانے اور بیرونی ممالک خصوصا چین اور دیگر مارکیٹس میں اسمگل کرنے کے لیے استعمال کیا جانا تھا۔ کسٹمز حکام کے مطابق قواعد و ضوابط کی خلاف ورزی پر ملزم کے خلاف کسٹمز ایکٹ کے تحت مقدمہ درج کر کے مزید تفتیش شروع کر دی گئی ہے۔

خضدار ( آئی این پی ) خضدار میں زیرِ زمین پانی کی سطح مسلسل اور تشویشناک حد تک گر رہی ہے، جس پر شہریوں اور ماہرینِ ماحولیات نے شدید تشویش کا اظہار کیا ہے۔ ان کے مطابق اس صورتحال کی کئی وجوہات ہیں، تاہم دو عوامل سب سے زیادہ نمایاں قرار دیے جا رہے ہیں۔پہلی وجہ شہریوں اور مقامی ماہرین کے مطابق کٹان ندی میں ٹینکر مافیا اور غیر قانونی بجری نکالنے والے عناصر کی جانب سے مختلف مقامات پر کھدائی ہے، جس سے گہرے گڑھے بن چکے ہیں۔ بارش کے دوران پانی انہی گڑھوں میں جمع ہو جاتا ہے، نتیجتا ندی کے قدرتی بہا اور زیرِ زمین آبی ذخائر کی ریچارج کا عمل متاثر ہو رہا ہے۔دوسری جانب شہریوں کا مقف ہے کہ متعلقہ سرکاری محکموں اور بعض ٹھیکیداروں کی مبینہ بدعنوانی کے باعث متعدد واٹر سپلائی اسکیمیں نامکمل چھوڑ دی جاتی ہیں، جبکہ نئی سرکاری ٹیوب ویل اور کنویں مسلسل کھودے جا رہے ہیں۔ ان کا دعوی ہے کہ ان میں سے کئی بور چند ماہ بعد ہی خشک ہو جاتے ہیں، جس کے نتیجے میں زیرِ زمین پانی کی سطح مزید نیچے چلی جاتی ہے۔ ماہرینِ آبی وسائل کے مطابق زیرِ زمین پانی کے بے تحاشا استعمال اور ریچارج میں رکاوٹیں آبی ذخائر پر دبا بڑھا سکتی ہیں۔شہریوں، سماجی حلقوں اور ماہرین نے حکومت بلوچستان، ضلعی انتظامیہ اور متعلقہ محکموں سے مطالبہ کیا ہے کہ کٹان ندی سے غیر قانونی بجری نکالنے کی مثر روک تھام کی جائے، واٹر سپلائی منصوبوں میں شفافیت کو یقینی بنایا جائے، نئے سرکاری ٹیوب ویل سائنسی جائزے کے بعد ہی منظور کیے جائیں اور خضدار میں زیرِ زمین پانی کے تحفظ کے لیے ہنگامی بنیادوں پر جامع پالیسی نافذ کی جائے۔ ان کا کہنا ہے کہ اگر بروقت عملی اقدامات نہ کیے گئے تو مستقبل میں خضدار کو شدید آبی بحران، زیرِ زمین پانی کی مزید کمی اور خشک سالی جیسے سنگین چیلنجز کا سامنا کرنا پڑ سکتا ہے۔