Author: admin

کوئٹہ : محکمہ مواصلات و تعمیرات بلوچستان کی بڑی کامیابی، 192 سب انجینئرز کی تقرری کے احکامات جاری محکمہ مواصلات و تعمیرات حکومت بلوچستان نے ایک اہم سنگ میل عبور کرتے ہوئے بلوچستان پبلک سروس کمیشن کے ذریعے منتخب ہونے والے 192 سب انجینئرز کی تقرری کے احکامات جاری کر دیے ہیں اس اہم پیش رفت کو محکمہ کی کارکردگی استعداد کار اور صوبے میں روزگار کے مواقع بڑھانے کی جانب ایک بڑی کامیابی قرار دیا جا رہا ہے سرکاری ذرائع کے مطابق نئی تقرریوں سے نہ صرف محکمہ مواصلات و تعمیرات کی افرادی قوت (Strength) میں نمایاں اضافہ ہوگا بلکہ جاری اور مستقبل کے ترقیاتی منصوبوں پر عملدرآمد کی رفتار اور معیار میں بھی بہتری آئے گی اس اقدام سے صوبے کے مختلف اضلاع میں انفراسٹرکچر کی تعمیر، سڑکوں، پلوں اور دیگر عوامی منصوبوں کی بروقت تکمیل میں مدد ملے گی حکام کا کہنا ہے کہ 192 نئے سب انجینئرز کی شفاف اور میرٹ پر مبنی بھرتی بلوچستان پبلک سروس کمیشن کے ذریعے عمل میں لائی گئی جو حکومت بلوچستان کے میرٹ شفافیت اور گڈ گورننس کے عزم کا مظہر ہے یہ پیش رفت وزیر اعلیٰ بلوچستان میر سرفراز بگٹی اور صوبائی وزیر مواصلات و تعمیرات میر سلیم کھوسہ کے وڑن کے مطابق صوبے میں روزگار کے مواقع پیدا کرنے اور نوجوانوں کو باعزت روزگار فراہم کرنے کی پالیسی کا اہم حصہ قرار دی جا رہی ہے اس موقع پر سیکریٹری مواصلات و تعمیرات بابر خان نے کہا کہ ان تقرریوں سے ایک جانب تعلیم یافتہ نوجوانوں کو سرکاری ملازمتیں میسر آئیں گی جس سے بے روزگاری میں کمی آئے گی جبکہ دوسری جانب محکمہ مواصلات و تعمیرات کی تکنیکی صلاحیت میں اضافہ ہونے سے ترقیاتی منصوبوں کی نگرانی منصوبہ بندی اور بروقت تکمیل کو یقینی بنانے میں بھی مدد ملے گی عوامی و سماجی حلقوں نے حکومت بلوچستان کے اس اقدام کو خوش آئند قرار دیتے ہوئے امید ظاہر کی ہے کہ مستقبل میں بھی میرٹ اور شفافیت کی بنیاد پر بھرتیوں کا سلسلہ جاری رکھا جائے گا تاکہ صوبے کے نوجوانوں کو زیادہ سے زیادہ روزگار کے مواقع فراہم کیے جا سکیں اور بلوچستان کی ترقی و خوشحالی کے سفر کو مزید تیز کیا جا سکے۔

ماشکیل : بلوچستان کے صحرائی اور انتہائی گرم علاقے ماشکیل میں ان دنوں شدید ترین گرمی نے معمولاتِ زندگی کو مفلوج کر کے رکھ دیا ہے جبکہ بجلی کی طویل اور مسلسل بندش نے عوام کی مشکلات کو کئی گنا بڑھا دیا ہے درجہ حرارت تقریبا 48ڈگری سینٹی گریڈ تک پہنچنے کے باوجود کئی روز سے بجلی کی عدم فراہمی نے شہریوں کو شدید اذیت بے چینی اور پریشانی میں مبتلا کر رکھا ہے دن کے اوقات میں تپتی دھوپ نے لوگوں کے لیے گھروں میں رہنا بھی دشوار بنا دیا ہے جس کے باعث گھروں دکانوں اور دفاتر پر براہِ راست منفی اثرات مرتب ہو رہے ہیں پنکھے کولر فریج اور دیگر ضروری برقی آلات بند ہونے سے نہ صرف گھروں کا ماحول ناقابلِ برداشت ہو گیا ہے بلکہ اشیائے خورونوش کے خراب ہونے کا خدشہ بھی بڑھ گیا ہے خاص طور پر وہ گھرانے جن میں چھوٹے بچے بزرگ مریض اور خواتین موجود ہیں شدید گرمی کے باعث سب سے زیادہ متاثر ہو رہے ہے پانی کی قلت اور بجلی کی عدم دستیابی نے صورتحال کو مزید سنگین بنا دیا ہے کئی ایریاز میں پانی کی فراہمی بھی بجلی سے منسلک ہونے کے باعث متاثر ہو رہی ہے جس سے روزمرہ کے معمولات بری طرح درہم برہم ہو گئے ہیں لوگ پینے کے پانی اور گھریلو ضروریات کے لیے بھی شدید مشکلات کا سامنا کر رہے ہے ایسی شدید گرمی میں بجلی کی طویل بندش ہیٹ اسٹروک پانی کی کمی کمزوری بلڈ پریشر میں اتار چڑھا اور دیگر موسمی بیماریوں کے خطرات میں اضافہ کر سکتی ہے دوسری جانب بجلی کی بندش کے باعث گزشتہ کئی دنوں سے علاقے میں موبائل نیٹ ورک اور انٹرنیٹ ڈیٹا سروس بھی معطل ہے جس کے نتیجے میں عوام اپنے عزیز و اقارب سرکاری اداروں اور ہنگامی طبی سہولیات سے بروقت رابطہ کرنے سے محروم ہیں مواصلاتی نظام کی بندش نے طلبا کاروباری افراد سرکاری ملازمین اور عام شہریوں کی مشکلات کو مزید بڑھا دیا ہے جس سے پورا علاقہ عملی طور پر تنہائی کا شکار دکھائی دیتا ہے شدید گرمی بجلی کی عدم دستیابی اور مواصلاتی نظام کی بندش نے انہیں کربناک صورتحال سے دوچار کر دیا ہے اگر بروقت اقدامات نہ کیے گئے تو صورتحال مزید خراب ہو سکتی ہے اور عوامی مشکلات میں اضافہ ہوتا رہے گا سماجی حلقوں نے حکومت بلوچستان کیسکو حکام ضلعی انتظامیہ اور متعلقہ اداروں سے مطالبہ کیا ہے کہ ماشکیل میں بجلی کی فوری بحالی کے لیے ہنگامی بنیادوں پر مثر اقدامات کیے جائیں متاثرہ لائنوں اور نظام کی فوری مرمت کی جائے اور بجلی کی مسلسل فراہمی کو یقینی بنانے کے لیے مستقل حل تلاش کیا جائے تاکہ عوام کو اس شدید اذیت سے نجات مل سکے اور موبائل و انٹرنیٹ سروس بھی بحال ہو سکے۔

سبی (نمائندہ مشرق )سبی میں بلدیاتی ضمنی انتخابات کا شیڈول جاری، کاغذاتِ نامزدگی یکم جولائی سے وصول کیے جائیں گےریٹرننگ آفیسر و اسسٹنٹ کمشنر سبی منصور علی شاہ نے بلوچستان لوکل گورنمنٹ کے ضمنی انتخابات کے سلسلے میں پبلک نوٹس جاری کرتے ہوئے ضلع سبی کے میونسپل کمیٹی سبی وارڈ نمبر 20، یونین کونسل نمبر 6 وارڈ نمبر 2 اور یونین کونسل نمبر 13 وارڈ نمبر 4 میں ضمنی انتخابات کے شیڈول کا اعلان کر دیا ہے۔ جاری کردہ شیڈول کے مطابق امیدوار یکم جولائی سے 3 جولائی 2026 تک کاغذاتِ نامزدگی اسسٹنٹ کمشنر آفس سبی میں صبح 8:00 بجے سے شام 4:00 بجے تک جمع کرا سکیں گے۔ شیڈول کے مطابق کاغذاتِ نامزدگی کی جانچ پڑتال 6 جولائی سے 8 جولائی 2026 تک ہوگی، جبکہ امیدوار 18 جولائی 2026 تک اپنے کاغذات واپس لے سکیں گے۔ مذکورہ وارڈز میں پولنگ 9 اگست 2026 کو ہوگی۔ ریٹرننگ آفیسر نے تمام خواہشمند امیدواروں سے مقررہ شیڈول اور ضابطہ کار کے مطابق بروقت کاغذاتِ نامزدگی جمع کرانے کی ہدایت کی ہے۔

ژوب (آن لائن) ژوب بارش کے دوران مکانات گرنے سے 3 افراد جاں بحق 4 زخمی ۔تفصیلات کے مطابق بارش کے دوران باچا خان سکول کے قریب ابادی میں مکان کے کمرے گرنے سے ایک خاتون ایک بچی جاں بحق ھو گئےاسی ابادی میں دوسرے مکان کے کمرے گرنے سے4 افراد زخمی ھو گئے زخمی ھونیوالو میں بچے اور خواتین شامل ھیں جبکہ شمسی کالونی میں مکان گرنے سے 8 سالہ ںچہ جاں بحق ھو گیا اطلاع ملتے ھی چی¿رمین میونسپل کمیٹی شاہ بران کاکڑ ضلعی انتظامیہ اور ہسپتال عملہ موقع پر پہنچ گئے زخمیوں کو فوری طور سول ہسپتال پہنچانے گئے

نال (آن لائن) گرد و نواح میں منشیات کے کاروبار میں اضافہ، نوجوان نسل متاثرنال اور گرد و نواح کے مختلف علاقوں میں مبینہ طور پر منشیات کے کاروبار میں تشویشناک اضافہ دیکھنے میں آ رہا ہے، جس پر عوامی حلقوں نے شدید تشویش کا اظہار کیا ہے۔ مقامی شہریوں کے مطابق منشیات کی آسان دستیابی کے باعث نوجوان نسل اس لعنت کی لپیٹ میں آ رہی ہے، جس سے ان کی صحت، تعلیم اور مستقبل بری طرح متاثر ہو رہا ہے۔ اگر بروقت مو¿ثر اقدامات نہ کیے گئے تو یہ مسئلہ مزید سنگین صورت اختیار کر سکتا ہے۔ انہوں نے متعلقہ قانون نافذ کرنے والے اداروں اور ضلعی انتظامیہ سے مطالبہ کیا ہے کہ منشیات فروش عناصر کے خلاف بلاامتیاز کریک ڈاو¿ن کیا جائے، ان کے نیٹ ورک کو ختم کیا جائے اور نوجوانوں کو اس ناسور سے بچانے کے لیے مو¿ثر آگاہی مہم بھی چلائی جائے۔

چمن : چمن میں غیر قانونی طور پر مقیم افغان باشندوں کے خلاف کارروائیاں جاری اسسٹنٹ کمشنر چمن عزیز اللہ کاکڑ اور تحصیلدار احمد خان نے آج ضلع چمن کے مختلف علاقوں میں غیر قانونی طور پر مقیم افغان باشندوں کے خلاف جاری کارروائیوں کا جائزہ لیا اور مت ٹیموں کی نگرانی کی۔اس دوران چمن شہر کے مختلف بازاروں، شاہراہوں اور تجارتی مراکز میں شہریوں کے شناختی کارڈز کی جانچ پڑتال کی گئی تاکہ غیر قانونی طور پر مقیم افراد کی نشاندہی کو یقینی بنایا جا سکے۔انتظامیہ نے دور دراز علاقوں کا بھی دورہ کیا اور عوام کو ہدایت کی کہ چمن میں کسی بھی غیر قانونی طور پر مقیم غیر ملکی شہری کو مکان، دکان یا کسی بھی قسم کی رہائش یا تجارتی جگہ کرایہ پر نہ دی جائے۔ اس حوالے سے واضح کیا گیا کہ سرکاری احکامات کی خلاف ورزی کرنے والے افراد کے خلاف مروجہ قوانین کے مطابق سخت قانونی کارروائی عمل میں لائی جائے گی۔ضلعی انتظامیہ نے شہریوں سے اپیل کی کہ وہ قانون کی پاسداری کریں، انتظامیہ کے ساتھ تعاون کریں اور کسی بھی مشتبہ یا غیر قانونی سرگرمی کی فوری اطلاع متعلقہ حکام کو دیں تاکہ ضلع میں امن و امان اور قانون کی عملداری کو مزید موثر بنایا جا سکے۔

لورالائی ایکم جولائی۔: ڈپٹی کمشنر لورالائی، کیپٹن (ر) محمد حسیب شجاع کی خصوصی ہدایات پر ضلعی انتظامیہ نے عوام کو سرکاری نرخوں پر معیاری اشیائے ضروریہ کی فراہمی یقینی بنانے کے لیے مرکزی بازار میں اچانک پرائس کنٹرول کارروائی کی۔ اس موقع پر نائب تحصیلدار عظیم نے مختلف مارکیٹوں، دکانوں اور تجارتی مراکز کا تفصیلی معائنہ کیا۔کارروائی کے دوران قصابوں کی دکانوں پر گوشت کے سرکاری نرخ، معیار اور صفائی کی صورتحال کا جائزہ لیا گیا۔ سرکاری نرخ سے زائد قیمت وصول کرنے والے متعدد دکانداروں کو موقع پر جرمانے کیے گئے جبکہ تمام قصابوں کو نمایاں مقام پر سرکاری نرخ نامہ آویزاں کرنے اور مقررہ نرخوں پر گوشت فروخت کرنے کی سختی سے ہدایت کی گئی۔اسی طرح ایل پی جی گیس ایجنسیوں اور ریفلنگ پوائنٹس کا بھی معائنہ کیا گیا جہاں گیس سلنڈرز کا وزن اور مقررہ قیمت چیک کی گئی۔ کم وزن سلنڈر فروخت کرنے اور سرکاری نرخ سے زائد قیمت وصول کرنے والے عناصر کے خلاف قانونی کارروائی کے احکامات جاری کیے گئے اور متعلقہ اداروں کو بھی ضروری کارروائی کے لیے آگاہ کیا گیا۔سبزی اور پھل فروشوں کی دکانوں پر بھی سرکاری نرخ ناموں پر عملدرآمد، اشیاءکے معیار اور صفائی کے انتظامات کا جائزہ لیا گیا۔ دکانداروں کو ہدایت کی گئی کہ وہ معیاری اور تازہ پھل و سبزیاں فروخت کریں، ناقص یا غیر معیاری اشیاءکی فروخت سے مکمل اجتناب کریں اور صارفین کے ساتھ خوش اخلاقی سے پیش آئیں۔معائنہ ٹیم نے متعدد دکانوں پر سرکاری نرخ نامے نمایاں طور پر آویزاں نہ ہونے پر تنبیہ بھی کی اور واضح کیا کہ آئندہ خلاف ورزی کی صورت میں جرمانوں کے ساتھ ساتھ دکانیں سیل کرنے سمیت سخت قانونی کارروائی عمل میں لائی جائے گی۔اس موقع پر نائب تحصیلدار عظیم نے کہا کہ ضلعی انتظامیہ کی اولین ترجیح عوام کو اشیائے ضروریہ سرکاری نرخوں پر فراہم کرنا اور مصنوعی مہنگائی، ذخیرہ اندوزی، کم تولنے اور ناجائز منافع خوری کا خاتمہ ہے۔ انہوں نے کہا کہ پرائس کنٹرول مہم روزانہ کی بنیاد پر جاری رہے گی اور کسی بھی شخص کو قانون سے بالاتر نہیں سمجھا جائے گا۔ڈپٹی کمشنر لورالائی کیپٹن (ر) محمد حسیب شجاع نے شہریوں سے اپیل کی کہ اگر کوئی دکاندار سرکاری نرخوں سے زائد قیمت وصول کرے، کم تولے یا غیر معیاری اشیائ فروخت کرے تو اس کی فوری اطلاع ضلعی انتظامیہ کو دیں تاکہ ذمہ دار عناصر کے خلاف بروقت قانونی کارروائی عمل میں لائی جا سکے۔ضلعی انتظامیہ نے واضح کیا کہ سرکاری نرخ ناموں پر مکمل عملدرآمد ہر صورت یقینی بنایا جائے گا اور عوامی مفاد کے خلاف کسی بھی قسم کی خلاف ورزی برداشت نہیں کی جائے گی۔ گرانفروشی، ذخیرہ اندوزی، کم تولنے اور ناجائز منافع خوری میں ملوث افراد کے خلاف بلاامتیاز سخت قانونی کارروائی آئندہ بھی جاری رہے گی۔